Istituzzjonijiet − 09-05-2011 - 18:44
Seduta plenarja
Waqt li kien qiegħed jiftaħ is-sessjoni plenarja ta' Mejju fi Strasburgu, il-President tal-Parlament Ewropew Jerzy Buzek tkellem dwar iċ-ċelebrazzjoni ta' Jum l-Ewropa fid-9 ta' Mejju, l-istatut il-ġdid tal-UE fi ħdan in-Nazzjonijiet Uniti, il-Jum Internazzjonali kontra l-Omofobija fis-17 ta' Mejju u l-kundanna minn naħa tal-Parlament Ewropew ta' eżekuzzjoni li saret f'Gaża.
Jum l-Ewropa jiġi ċċelebrat kull sena fid-9 ta' Mejju u dis-sena din id-data kienet ukoll il-61 anniversarju tad-Dikjarazzjoni ta' Schuman, li tat bidu għal dik li llum hija l-Unjoni Ewropea, fakkar il-President Buzek li kien għadu kif wasal lura minn Firenze fejn saret kommemorazzjoni ta' din l-okkażżjoni.
Il-President ħabbar ukoll li issa, l-UE hija membru sħiħ tal-komunità internazzjonali, peress li fit-3 ta' Mejju, in-Nazzjonijiet Uniti qablu li l-UE għandu jkollha dritt li titkellem matul l-Assemblea Ġenerali tan-Nazzjonijiet Uniti. "Irridu nkomplu nkellmu lid-dinja b'leħen wieħed," saħaq Buzek.
Huwa fakkar ukoll li s-17 ta' Mejju huwa l-Jum Internazzjonali kontra l-Omofobija u wara kkundanna, f'isem il-Parlament Ewropew, l-eżekuzzjoni li saret mill-qorti militari f'Gaża ta' persuna minħabba l-kollaborazzjoni tagħha mal-Iżrael.
Tibdil fl-Aġenda
Id-dibattitu ta' nhar l-Erbgħa ma' Catherine Ashton, ir-Rappreżentant Għoli tal-UE għall-Affarijiet Barranin, se jkun jiffoka fuq is-sitwazzjoni fis-Sirja u Camp Ashraf, kif ukoll fuq il-Komunità Nisranija Koptika fl-Eġittu.
Ref. : 20110509IPR18943
Kuntatt
Corinne CORDINAServizz tal-Istampa - Uffiċjal (Brussell)
: (+32) 2 28 31082 (BXL) : (+33) 3 881 74588 (STR)
: (+32) 498 98 33 00
: stampa-MT@europarl.europa.euMassimo FARRUGIA
Servizz tal-Istampa - Uffiċjal (Valletta)
: (+33) 3 881 78120 (STR) : (+356) 7982 9312 : stampa-MT@europarl.europa.eu : massimo.farrugia@europarl.europa.eu(+356) 21 23 50 75
No comments:
Post a Comment