31.10.10
F’diskors li għamel fil-konklużżjoni ta’ Konferenza Nazzjonali dwar “it-teoloġija tal-ġisem” li saret f’Għawdex nhar il-Ħadd filgħodu, l-Isqof Mario Grech wassal dan il-messaġġ:
Kull abbuż sesswali fuq il-minuri, huwa hażin u kundannabli irrispettivament jekk min jwettqu jkunx persuna lajka, reliġjuża jew saċerdot. L-abbużi sesswali għandhom jiġu denunzjati lill-awtoritàjiet kompetenti, partikularment lil pulizija.
Pero huwa fatt li fis-soċjetà qed isiru ukoll abbużi mis-sesswalità tal-bniedem.
Hija abbużata l-persuna metà ma tkunx mgħejjuna biex ma ċċedix għall-istint. Hemm bżonn li l-bniedem jitheġġeġ biex juża aktar ir-raġuni tiegħu biex jiżen jekk l-għemil sesswali tiegħu huwiex qed jirrispetta n-natura u l-finalità tas-sesswalità umana.
Is-sistema edukattiva tagħna tista tkun qed tagħmel abbuż fuq l-istudenti jekk flok ma tgħinhom jitgħallmu kif jedukaw l-enerġija sesswali tagħhom, toffrilhom tagħlim u mezzi bħalma huma l-kontraċettivi, biex iċedu għall-kultura tal-pjaċir.
Metà l-imħabba bejn il-bnedmin tiġi proposta bhala imħabba erotiċa li tinqeda bil-ġisem uman, ikun qed isir abbuż mill-imħabba vera. Għax l-imħabba vera għandha twassal biex persuna tingħata u mhux biex tipposedi.
Billi l-ġisem uman huwa parti mill-persuna, dan għandu jkun rispettat mill-mument fejn isehh id-dinamika tat-tnissil sat-tmiem tal-hajja naturali tiegħu.
No comments:
Post a Comment